Assalamu'alaikum wr.wb
Wonten ngarsanipun para pepunden, para pinisepuh, saha para sesepuh ingkang tansah kita bektosi, para bapak/ibu jamaah mushola Al-Faizin ingkang tansah dipun mulyaaken Allah Subhanawata'ala.
Monggo sesarengan panjenengan sedaya kita ajak ngunjukaken raos puji syukur wonten ngarso dalem Gusti ingkang Maha Kuaos, dene wekdal dalu punika kula panjenengan sami saget rawuh makempal wonten ing mushola Al-Faizin kanthi pinaringan kawilujengan, kesarasan saha kesempatan ..aamiin.
Salawat sarta salam mugi katetepno dumateng junjungan kita nabi agung Muhammad SAW ingkang kita antu-antu menggah syafaat kawujenganipun samangkeh wonten ing yaumul kiamah.
Para bapak/ibu ingkang tansah minulyo, kepareng kawula ing mriki nyuwun idzin palilah kagem matur wonten ngarsanipun para pini sepuh.
Ingkang sepisan para kadang wiranem ndalu punika ndherek silaturahim.
Kaping kalih para wiranem ngaturaken sungkem pangabekti kawula mugi katur wonten ngarsanipun para pepunden, saha para pinisepuh kanthi pangajap mugi-mugi para pinisepuh tansah pinaringan kawilujengan, kasarasan, saha dipun paringi panjang yuswa ingkang manfaat.
Kaping tigo, para pihak anem ngaturaken sedaya kalepatanipun, ingkang kasengaja menapa dene ingkang mboten kasengaja sae lahir saha batos ingkang mboten pikantuk halalipun Allah SWT6, mugi saget kalebur ing dinten riyadi punika.
Kaping sekawan para wiranem tansah nyuwun do'a restu mugi-mugi sedaya panjangkanipun pihak anem sageta kasembadan.
Mekaten menggah atur kawula, wonten kirang lan langkungipun kula nyuwun pangapunten.
Wassalamu'alaikum wr.wb.
0 komentar :
Posting Komentar